[A:81b]yang gsal bar byas pa yin no/ /da ni bka' srol gzhan las khyad par du 'phags pa'i lo tsA ba chen po rin chen bzang po nas mal lo tsA ba la brgyud pa'i tshul 'di nyid bshad par bya ste/ de yang spyir bstan pa phyi dar la stod nas dar ba dang / smad nas dar ba gnyis/ stod nas dar ba'i thog ma'ang lo tsA ba chen po rin chen bzang por grags pa 'di nyid yin zhing / gsang sngags snga 'gyur dang phyi 'gyur gnyis las/ phyi 'gyur gyi thog ma lo tsA ba chen po 'di nyid kyis bsgyur pa la ngos 'dzin pa yin/ de lta bu'i lo tsA ba chen po 'di nyid kyi rnam par thar pa cung zad zhib par brjod na/ 'di lta ste/ 'di'i 'khrungs yul ni mnga' ris skor gsum las gu ge'i sa'i cha snyung wa~M rarni ru zhes bya bar/ rigs g.yu sgra stong btsan la sogs pa byon pa'i g.yu ri g.yu sgra zhes bya ba/ rus ni lha nyi ma lhun grub kyi gdung brgyud yin pas lhun grub bzang po zhes bya/ cho 'brangs