[A:67b]rtsa lag srog shing dam pa dpal ma ga ta rdo rje gdan gyi sgo bzhi na bstan srung chen po bzhi yod pa'i nang nas/ 'di nyid byang sgo srung ba'i chos skyong yin/ 'di'i rten sangs rgyas thub pa'i dbang po rang nyid kyis rab gnas mdzad pa'i sku gsung thugs kyi rten mgon khang dang bcas pa de la rgyal ba nyid kyis bka' bsgos te/ nag po chen po la bstan pa spyi'i srung mar mnga' gsol/ bstan pa gtad de/ bstan pa ji srid gnas kyi bar bsrung ba'i chos skyong chen por gyur to/ /de lta bu'i slob dpon chen po bram ze mchog sred kyi drung du/ yul dbus kyi paNDi ta chen po nor bu gling pa bde ba'i rdo rjes zhus pa yin te/ de'ang 'di nyid thog mar rab byung rig pa'i gnas lnga la sbyangs pa/ spyir gsang sngags tsam dang / bye brag tu yo ga rnal 'byor gyi rgyud la mkhas pa'i tshad du son pa des/ bhe dan gyi yul du bram ze chen pos chos skyong zhal gzigs shing gdams pa thob pa'i snyan grags gsan nas/ chos skyong 'di zhus