[A:67a]lan re tsam 'byon pa la kun gyis phyag mchod 'bul zhing don mdzad/ de nas las dag pa'i slob ma 'ga' re dang mjal/ gzhan phal cher dang mi mjal bar gyur to/ /spyir slob dpon 'di nyid rig pa'i gnas du ma mkhyen cing mngon par rtogs pa'i yon tan bsam gyis mi khyab pa mnga' ba'i grub thob chen po yin/ bye brag tu chos skyong 'di nyid kyi grub pa thob pa'i grags pas phyogs thams cad du khyab par gyur/ de'ang lcam dral sbags te sgrub pa'i man ngag ni/ bhe dan gyi yul du nag po nyid kyis gnang la/ slob dpon nag po pa la bka' bsdod/ tshogs bdag gnod sbyin/ gshin rje ltar sgrub pa'i lugs bzhi ste/ pho rkyang du bsgrub pa kho na gsan/ nag po chen po nyid la de bzhin dang / bye brag tu sbags sgrub rnams gsan gsungs so/ /sangs rgyas kyis 'phags yul du bka' bsgos pa ni/ bstan pa'i