[A:66b] grub mtha' spongs dgos pa byung ba rnams la'ang phan btags/ ma tsa la sarti ka zhes bya ba'i rgyal po dpung 'khor gsum 'bum gyi stobs yod pas/ rang nyid kyi sbyin bdag tu gyur pa'i rgyal po bcom par brtsams pa'i tshe/ slob dpon gyis chos skyong la gsol ba btab cing las bcol bas/ mgon po 'di nyid dngos su byon nas ming med par btul/ gzhan yang kye rdo rje'i las kyi tshogs rab 'byams rnams thogs pa med par grub cing / des bstan pa la phan par mdzad pas/ kun gyis bram ze mchog sred ces par mtshan grags so/ /de nas yi dam kye rdo rje dang 'khor lo bde mchog la sogs pa rgyun du zhal gzigs shing / rnal 'byor bzhis mchog dang thun mong gi grub pa thob ste/ yul nyi shu rtsa bzhi la sogs par spyod pa gyis shig ces u rgyan du rnal 'byor mas lung bstan te spyod pa mdzad/ de nas dus bzang la rdo rje gdan gyi mgon khang du lo mang po'i bar du