[A:62b]phun sum tshogs pa'i gnas shig na/ bram ze'i rigs dge ba'i bla ma zhes bya ba gsang sngags kyi kun tu spyod pas rgyun du 'tsho ba/ rang gi lhag pa'i lha ku ru kulle la sogs pas gnang ba sbyin pa/ rig pa'i gnas du ma la sbyangs pa zhig lo brgyad cu gya gnyis lon pa na/ bram ze rab tu bzang mo dang lhan cig 'dus pa las/ khye'u mchog gi blo gros can zhes pa btsas te/ de yang mtshan dang ldan zhing dge ba'i ltas du ma byung bas/ yab kyis dgyes bzhin du rang gi man ngag phal cher gnang / lha mo ku ru kulle la sogs pa'i zhal yang gzigs/ de nas u TTan na'i gtsug lag khang gi mkhan po la rab tu byung ste/ rig pa'i gnas lnga la sbyangs te mkhas pa'i mchog tu gyur pas/ mu stegs kyi rtsod pa lan gnyis kyi bar du bzlogs te/ bstan pa la phan btags shing phyogs thams cad du grags pas khyab par gyur to/ /de nas mkhan po 'das pa dang kun gyis gsol ba