[A:62a]dbyer med zung 'jug tu bzhugs pa yin pas/ rgyud yig rnying pa rnams la lar rim bzhin smos pa dang / phal cher du rdo rje 'chang kho na smos pa ni dbye bsdu'i khyad par tsam yin pas don la 'gal ba med par shes par bya'o/ /de lta'i mgon po 'di'i chos skor rnams 'phags yul rgya gar du byung ba'i brgyud pa'i rtsa ba lta bur gyur pa ni/ slob dpon chen po bram ze mchog sred du grags pa 'di yin la/ 'di nyid bram ze chen po rin chen rdo rje zhes bya ba'i sras su 'dod pa dang / bram ze ka ru zhes bya ba'i sras su 'dod pa sogs lo rgyus mi 'dra ba cung zad byung na'ang / 'dir rje btsun bsod nams rtse mo'i zhal snga nas kyis mdzad pa/ rgyal tsha lung mang po chos kyi dbang phyug gis gsal bar mdzad pa'i yi ge ltar bshad na/ de'ang rgya gar shar phyogs na kau ta rA ni zhes bya ba'i grong khyer 'bum tsho sum cu rtsa gsum yod pa/ rgyal srid des pas skyong zhing 'byor pa'i yo byad