[A:6a]srung mas ni/ tshe 'dir dngos grub phra mo tsam sgrub par nus kyang skye ba phyi ma log pa'i lam la sbyor ba dang / mi dga' ba cung zad tsam la brten nas lus srog la rgol ba sogs nyes dmigs che zhing / gnas skabs dang mthar thug gi don mtha' dag sbyin pa'i nus pa kho rang rnams la'ang med pas/ bsten kyang dgos pa chung ba yin te/ bod kyi mkhas pa dag gis/ rang yang 'khor ba'i btson rar bcings pa yi/ /'jig rten lha yis su zhig skyob par nus/ /zhes gsungs/ des na 'jig rten las 'das pa'i srung ma zhig cis kyang bsten dgos/ de la'ang yang dag par rdzogs pa'i sangs rgyas rdo rje 'chang chen po nyid kyis rgyud sde rnams nas chos skyong rnam grangs bsam gyis mi khyab pa zhig gsungs pa thams cad mdor bsdus te rnam grangs kyi tshul du smos na/ drang nges kyi sgo nas dbye ba/ rgyud kyi sgo nas dbye ba/ phyi nang gi