[A:5b]pa mchog gi bstan pa la/ /'dzin dang skyong dang srung ba gsum/ /lnga brgya dus kyi snyigs ma la/ /bdag tu gnyer zhing srungs zhing brtson/ /zhes dang / dus gsum sangs rgyas thams cad kyi/ /bstan pa srung zhing bka' la gnas/ /dam tshig 'dzin pa'i zhing skyong pa/ /mgon po sa bcu'i dbang phyug gtso/ /dpal ldan rig 'dzin thams cad la/ /mchog tu gyur pa'i las sgrub pa/ /dpal ldan nag po chen po ni/ /'dis ni lha min ma lus pa'i/ /g.yul las rgyal bar byed pa yin/ /zhes dang / bcom ldan tshe lo brgya ba'i dus/ /de nyid bstan pa'i snyigs ma yi/ /lnga brgya pa yi dus kyi mthar/ /shin tu gdug cing rtsub pa dang / /mi bsrun pa yi dus kyi tshe/ /de tshe mgon po'i bstan pa 'byung / /zhes sogs rgyas par gsungs so/ /de ltar srung ma la'ang 'jig rten dang 'jig rten las 'das pa gnyis las/ 'jig rten pa'i