[A:58b]chen po nyid kyi lus lha dang / ngag sngags dang / thugs ye shes kyi rang bzhin las g.yo ba med pa'i ngang nas phyag rgya chen po'i rig 'dzin mngon du gyur to/ /de nas slob dpon chen po padma 'byung gnas de nyid dang / slob dpon bi ma la mi tra dang / bal po shi la manydzu gsum gyis slar yang gnas der rdo rje phur pa'i sgrub pa zhag gsum mdzad pa'i tshe dam can rnams kyis drod tshad brtags pa'i tshul ni/ zhag gsum po'i srod kyi cha la zangs kyi wa mo zha bkug pa 'dra ba gcig la zangs kyi bud med chen mo zhig gis bzhon lag na zangs kyi zhags pa 'dom dgu brgya dgu bcu yod pa thogs pa zhig byung ba la/ slob dpon gsum gyi dgongs pas de nyid rdo rje phur pa'i srung ma yin par mkhyen te/ slar yang dam la btags shing bstan pa bsrung ba'i gnyer kha gtad de/ shwa na mu kha'i dus la bab/ /ces sogs kyi bstod bskul yang de dus mdzad par grags so/ /yang