[A:58a]snyam du dgongs pa'i tshe/ nam mkha' las sgra byung nas dur khrod bsil ba'i tshal nas slob dpon dha na sangkri ta gdan drongs la rdo rje phur pa'i sgrub pa zhag bdun gyis shig des bar chad thams cad thul nas dngos grub thob par 'gyur ro zhes pa grags pa na/ slob dpon padmas rang gi nye 'khor gnyis gser gyi phyag rten dang bcas paN chen dha na sangkri ta'i drung du spyan 'dren gyi pho nya mngags pas paN chen gyi zhal nas/ nga yong mi dgos/ sngar nam mkha' nas lung bstan pa bzhin gyis shig gsungs te/ bi to ta ma la'i nang nas dregs pa can gnad la dbab pa'i rgyud mi khur gnyis bskur nas brdzangs/ de nas slob dpon chen pos paNDi ta'i bka' bzhin rdo rje phur pa'i sgrub pa zhag bdun mdzad pas sngar gyi bar chad kyi mtshan ma thams cad rang zhir gyur te/ yang dag lha dgu'i zhal gzigs shing dngos grub thams cad stsal te/ de phyin chad la slob dpon