[A:53a]skyong chen po 'di gzhan las myur zhing rtsub pa'i rgyu mtshan zhus pa'i lan du/ spyir chos skyong du ma zhig la phyi nang gsang gsum gyi dbang gis/ 'jig rten pa'i tshul 'dzin pa dang / ye shes pa gnyis gnyis yod la/ khyad par 'di la ni 'jig rten pa rang rgyud la lha dbang phyug chen po'i sprul par gyur pa'i zhal bzhi pa'i gtso 'khor dang / de'i gnyen por gyur pa'i zhal bzhi pa ye shes pa gnyis yod de/ de yang gdul bya shin tu rtsub cing gnyan na/ de 'dul byed kyang shin tu lhag par gnyan cing rtsub pa zhig 'ong ba rten 'brel gyi chos nyid yin pas gnyis ka gnyan pa yin no/ /de yang da lta rtsub cing gnyan pa dang / shin tu myur ba ni phal cher 'jig rten pa'i zhal bzhi pa'i rnam 'gyur yin pas de ltar 'ongs pa yin no/ /de yang sngon lha dbang phyug chen po 'khor dang bcas pas da lta gnang ba'i zhal bzhi pa 'khor bcas kyi bkod pa dang tshul bzung