[B:16b]kyis dgung lo so gsum dang so lnga bzhes pa chu pho stag dang / shing pho 'brug la ste/ slob dpon rin po che gshegs lo dang / rje btsun rin po che so bdun bzhes dus chos rje 'khrungs pa'o/ /chos rje'i rnam thar chen mo rnams dang / bsdus pa chos rgyal mar gsal la 'dir yang bsdus te/ mkhyen brtse phrin las gsum gyis brjod na/ mkhyen pa la rang gi sbyangs pa dang / gzhan la bstan pa'o/ /dang po ni/ klu'i rgyal pos yum la gnas khang g.yar ba'i tshul gyis bsams bzhin du mngal bzung nas/ dge byed ces bya ba chu pho stag gi khra zla'i nyi shu rtsa drug la yum gyi lus sems bde ba'i nyams dang ldan par sku bltams te/ gog thub pa'i dus sam skr-i ta'i skad gsung zhing rgya yig mang po bris nas bklags na mi 'gom par gsungs pa dang / gzhon nu nyid nas klog yig bzo gso ba skad gnyis kyi rnam grangs la sogs pa tshegs chung ngus mkhyen/ rje btsun chen po la dbang bshad man ngag rgyun ma chad par gsan te/ dgung lo brgyad pa la mtsho skyes/ bcu pa la brtag gnyis/ bcu gcig pa la gur saM thugs las gsungs pas kun gyis ya mtshan du 'dzin/ mdor na bco lnga pa la rje btsun chen po'i bum pa gang byo'i tshul du thugs su chud/ bco brgyad pa la a byi 'bum pa'i drung du/ slob dpon dbyig gnyen la mdzod tshar gcig mnal lam du gsan pas thugs su chud/ phyogs kyi glang
[A:35]po'i phug pa yin zer ba gcig tshad ma'i dpe chas bkang ba'i lde mig gtad pa rmis/ bcu dgu pa la don mo ri pa zhu ston rdo rje skyabs la byams chos rtsa 'grel dang dbu ma mang du gsan/ nyi shu pa la nyang stod skyang thur du 'tshar ston gzhon nu seng ge la tshad ma rnam nges la sogs pa'i dbu tshad mang du gsan/ de'i bar skabs la sa skyar yab gshegs nas byon dgongs rdzogs sku 'dabs bsgrubs/ sku skal yang zhus/
phul/
der rjes bshad gsar dang bstun nas snga chos phyi chos mdzad de/ rnam nges zla gcig la shin tu rgyas