[A:70] de bzhin du gtsang du yang / lo ston rdo rje dbang phyug gis rgyan gong gi gtsug lag khang bzhengs/ rgya shAkya gzhon nu sogs mkhan po nyi shu rtsa bzhi/ stabs cig tu rab byung bsnyen rdzogs byas so/
de dag gi nang tshan rgya shAkya gzhon nus las stod dmar la thang brtsigs skyo shes rab rdo rjes don mo ri/ stag lo gzhon brtson gyis stag lo lha khang / a mes zhu cig mas 'phrang dang brag dmar/ lce btsun shes rab 'byung gnas kyis zha lu brtsigs pa sogs/ mdor na/ sa mo bya de nas/ lo chen rin bzang ma byon bar du/ dbus gtsang gi mi bcu slob bu dang bcas pas gnas gzhi gtsug lag khang so sor brtsigs/ bstan rtsa dge 'dun gyi sde btsugs/ bstan pa bshad sgrub kyi gzhi bting ba ni/ bstan pa phyi dar zhes spyir btang la yongs su grags pa ste/ don 'di la dgongs nas lcags bya nas lo brgya dang brgyad 'das pa'i tshe bstan pa phyi dar gyi mgo bzung ba yin no/ zhes mkhas pa dag gis bshad pa yin la/ de yang bstan pa'i rtsis dang sbyar na/ 'das lo nas sum stong brgyad cu rtsa gcig 'das pa'i gya gnyis pa sa mo bya
spyi lo 949
la bstan pa phyi dar byung zhing / sa mo bya de nas drug brgya dang bcu bdun 'das pa'i bco brgyad pa ni/ da lta'i shing byi 'di lags so/
gsum pa bstan pa phyi dar shin tu dar ba ni/ rgyal po stod kyi lha bla ma ye shes 'od dang / lo tsA ba rin chen bzang po nas yin te/ de yang khri bkra shis brtsegs dpal gyi sras ni/ dpal lde/ 'od lde/ skyid lde'o/
skyid lde nyi ma mgon gyi sras ni/ lde gtsug mgon/ bkra shis mgon/ dpal gyi mgon dang gsum mo/