[A:65] dbus gtsang mi bcu sogs la brten nas dbus gtsang du bstan pa'i dbu brnyes shing / bstan pa'i me ro smad nas bslangs zhes bya ste/ de yang chu mo glang la dpal 'khor btsan 'khrungs/ khong gi slob dpon cang a po yin zhes grub thob u rgyan pa'i rgyal po rabs phreng las bshad/ khong gi yab 'od srungs rang lo re gsum pa/ shing pho byi lor gshegs nas dpal 'khor btsan gyis/ de'i phyi lo shing mo glang nas brtsams pa'i lo bco brgyad rgyal srid bzung nas so gcig pa la gshegs zer ro/
de lta na'ang bla chen dgongs pa rab gsal bsnyen par rdzogs nas lo bco lnga lon pa'i tshe/ dbus nas klu mes tshul khrims shes rab/ 'bri rje yon tan rdzi dkar gnyis/ gtsang nas lo ston rdo rje dbang phyug dang / tshong ge shes rab seng ge gnyis te chos la 'jug pa'i sgo ltar na/ dbus gtsang mi bzhi'am/ bu ston ltar na dbus nas klu mes/ 'bring ye shes yon tan/ rag shi tshul khrims 'byung gnas/ rba tshul khrims blo gros/ sum pa ye shes blo gros dang lnga/ gtsang nas mgur mo rab kha ba lo ston rdo rje dbang phyug/ shab sgo lnga ba tshong btsun shes rab seng ge/ mnga' ris pa 'o brgyad spun gnyis/ bo dong pa u pa de kar ba dang lnga ste bcu'am/ yang na dbus nas klu mes dang sum pa gnyis/ gtsang nas lo tshong gnyis/ mnga' ris nas ba shi rdzi dkar ba gnyis te drug gis khams su byon te/ bla chen gyis mkhan po dang / gtsang dang g.yos las gsang gi slob dpon dang / smar dang ha shang gis dus dang kha skong sogs byas te/ tshigs gsum bar ma chad du chig rdzogs byas nas sdom pa blangs/ slar dbus gtsang du byon te/