[A:64] bshad/ gang na'ang / de nyid la phyis bla chen dgongs pa rab gsal zhes grags shing / mdo khams su bstan pa spel lo/
g.yos dba' ratna las bsnyen par rdzogs pa ni dus mi 'grig ste/ sad mi bdun snga dar khri srong lde btsan gyi skabs yin no/ des na bar skabs der mkhan rabs gzhan btsal bar bya'o
'o na de dus kyi ha shang gnyis kha skong du ji ltar rung snyam na/ de gnyis kyang bstan pa snga dar gyi dus/ zhi 'tsho la sogs las/ bsnyen par rdzogs nas phyis khams su 'chug pa yin pas/ kha skong du rung ba'i dge slong yin no/ zhes kho bo smra'o/
de ltar khri 'od srungs kyi dus su khams su bstan pa byung ba ji ltar zhe na/ chos la 'jug pa'i sgo las/ rgyal po de'i sras gnam lde 'od srungs dang / mched zla yum brtan gyis rgyal srid so sor bskos te/ de gnyis kyi sku ring la mdo khams rma lung rdo rje'i brag ra dan tig gi yang dgon na/ gtsang rab gsal dang g.yo dge 'byung dang smar shAkya mu ne zhes bya ba'i dge slong gsum bzhugs so/ de'i tshe mdo smad de nyid na bon po'i rigs su gyur kyang / mos pas spyod pa'i byang chub sems dpa' mo dur dgongs pa rab gsal zhes bya ba byung ste/ de sangs rgyas bstan pa la dad de/ sngar gyi dge slong gsum dang / rgya'i ha shang ke wam dang ke phag dang dA po dang bcas pa las bsnyen par rdzogs par byas so/ de dag la sogs te mdo smad kyi khams gsum du bstan pa cung zad dar bar gyur to/ zhes bshad pa las shes so/
des na 'od srungs kyi sras rje dpal 'khor btsan gyis sku tshe'i smad la/