[A:61]can gyis lo bco brgyad rgyal srid bzung / so drug lon pa'i tshe/ blon po dbas rgyal to re dang / co ro legs sgra gnyis kyis bkrongs/
dar ma chu mo lug la bltams te/ so dgu pa lcags mo bya/ gcung ral pa can 'das pa'i lo de nyid la rgya srid bzung ste/ de yang grags pas/
bar pa glang dar sprel mgo chu mo lug//
bco lnga lon nas yab 'das so dgu la//
gcung 'das de ni rgyal srid bzung nas ni//
zla ba drug tu tshul bzhin rgyal po byas//
lcags mo bya yi mjug tu dam chos bsnubs//
de nas zla ba drug dang phyed dag tu//
sdig rgyal byas te de ltar spyir bsdoms la//
lo gcig zla phyed byas te khyi lo la//
byang sems sems dpa' dpal gyi rdo rjes bsad//
ces pa ltar du/ glang dar mas lcags bya'i lo gcig dang zla phyed rgyal srid bzung ba'i lo phyed dang zla ba phyed du rgyal po gdon gyis bslus te/ rab tu byung ba rnams bsad cing phab/ glegs bam rnams sbas/ shAkya mu ne sogs bye thems su bcug pa sogs byas pas dam pa'i chos bsnubs so/
'ga' zhig glang dar mas 'brug nas bya'i bar lo drug rgyal srid bzung zhes pa dang / 'ga' zhig sa mo lug la dam chos bsnubs zer ba sogs yod kyang / 'di pa'i lugs kyis/ 'das lo nas nyis stong dgu brgya dang don bzhi 'das
spyi lo 841
/ srong btsan sgam po byon pa'i me glang mas nyis brgya dang nyer bzhi 'das/ snga dar me lug nas bzhi brgya dang so bzhi 'das pa'i so lnga pa lcags mo bya lo dar mas bstan pa bsnubs so/ zhes shes par bya'o/ de nas bstan pa bsnubs pa'i lcags bya nas da lta'i shing byi'i bar la bdun brgya dang nyer gsum lon no/