[A:62]
gnyis pa bstan pa sor chud pa'i skyes bu dang de'i lo dus ngos gzung ba la spyir [btang] dang dmigs bsal gnyis/
dang po ni lcags bya nas lo brgya dang brgyad bstan pa med la
gtsug lag khang sogs gnas gzhi dang dge 'dun gyi sde btsugs pas phyi dar zhes bya'o
/ brgya dang dgu pa sa mo bya nas phyi dar gyi mgo zug pa yin te/ dbus gtsang mi bcu'am drug gis khams su sdoms pa blangs te/ sa mo bya lor dbus gtsang du gtsug lag khang so sor rtsigs nas rab byung 'dul ba'i bstan pa spel bas so/
gnyis pa dmigs bsal la gsum/ phyi dar nyid la yang / mnga' bdag dpal 'khor btsan gyi dus bstan pa'i dbu brnyes pa'i dus/ khri bkra shis brtsegs pa dpal gyi dus bstan pa'i srol btod pa'i dus/ bla ma ye shes 'od kyi dus bstan pa dar zhing rgyas pa'i dus so/
dang po ni/ bstan pa bsnubs pa'i lcags bya'i phyi lo chu khyi'i lor/ lha lung dpal gyi rdo rjes/ bsam pa lhag bsam gyis kun nas bslangs pas rgyal po sdig can bkrongs/ dpal gyi rdo rje de gnyag dznyA na ku ma ra'i slob ma/ dpal gyi bu brgyad ces grags pa'i nang tshan te/ de yang sog po dpal gyi ye shes/ dar rje dpal gyi grags pa/ shud bu dpal gyi rdo rje/ mang mkhar dpal gyi dbang phyug/ lha lung dpal gyi rdo rje/ 'brog mi dpal gyi ye shes dang brgyad (gnyis chad) do/
rgyal po bkrongs pa'i lo chu pho khyi la/ rgyal po de'i sras 'od srungs dang / sras su rdzus pa yin zer ba'i yum brtan yang bltams/ de gnyis