[A:60] pa'i phyir ro/ des na kho bos ni 'di la lugs mi 'dra ba bzhi tsam zhig tho shing mthong ste/ bcom ldan ral gris bstan rgyan 'bring po las bstan pa med pa lo bdun cu byung bar bshad pa'i lugs dang / 'brom ston gyis don bdun bshad pa'i lugs dang / nel pa panDi ta smon lam tshul khrims sogs kyis brgya rtsa brgyad byung bar bshad pa'i lugs dang / mkhas pa 'ga' zhig gis drug cu re gsum byung bar bshad pa'i lugs dang bzhi yod pa las/ kho bo ni re zhig/ dus gsum rtsa bar/ de la brgya dang nyer bdun phri// bstan pa phyi dar byon pa'i lo// dang po sa mo bya yi lo// zhes pa ltar/ lcags bya la bstan pa bsnubs nas/ lo brgya dang brgyad 'das pa'i sa mo bya lo phyi dar gyi mgo bzung ba 'di rang lugs su byas nas
de'i tshe bshad pa'i bka' ni shin tu ngan te/ rtsa ba zer ba'i dmar dmar 'di/ 'grel pa zer ba'i nag nag 'dis/ 'chad pa yin pa 'dra zer ba las ma byung er ba bshad 'dug
de yang rje btsun gong ma'i lung dang sbyar te spyir btang dmigs bsal gyi sgo nas zhib tu 'chad par bzhed do/
gnyis pa la gsum/ bstan pa la skyon byed pa'i rgyal po dang de'i lo dus ngos bzung / bstan pa sgor 'jug pa'i skyes bu dang de yi lo dus ngos bzung / ngos zin pa'i bstan 'dzin dang dgon gnas rim pa ltar byon pa'i tshul bshad pa'o/
dang po ni/ rgyal po dar mas bstan pa bsnubs zhes pa ltar te/ de yang rgyal po khri srong lde btsan gyi sras khri lde srong btsan la/ sras gtsang ma/ dar ma/ ral pa can gsum gyi/ gtsang mas rgyal srid ma bzung / ral pa