[A:275]zhig yod de/ nyin re bzhin de la me tog mang du phul nas phyag btsal te gus pas gsol ba btab pas dus nam zhig na/ dpyid ldan ma lha la mchod pa'i dus shig la/ des tho rangs me tog 'thu ru song ba'i tshe dpyid ldan ma'i g.yog mo zhig kyal ka'i don du go la mur bzhin du lha mo nag mo'i rten gyi rgyab tu yib cing 'dug go/ /
phyugs rdzi des sngar bzhin gsol ba btab pa'i tshe/ g.yog mo des go la mur 'phro lag tu gtad pas/ 'di ni lha mos dngos grub tu gnang ba yin no snyam du sems shing yid ches so/ /
de nyid blo gros thogs pa med pas rtog ge dang / brda sprod pa dang / snyan ngag smra ba chen por gyur te/ lag pa g.yas su padma'i me tog dang / g.yon du utpal zhig thogs te/ padma ni me tog bzang yang yu ba rtsub/ utpal ni me tog chung yang yu ba 'jam pas gang zhig 'dod/ ces pa'i don la bdag gi lag pa g.yas na padma dang / /g.yon na de bzhin utpala'i me tog /'jam pa'i yul ba'am rtsub pa'i yu ba can/ /gang 'dod long zhig padma'i mig can ma/ /zhes brjod pas mkhas par song ba shes te bkur sti chen po byas/
des lha mo nag mo la shin tu gus par byas pas/ kA li da sa ste nag mo'i 'bangs sam nag mo'i khol por grags/ dus de tsam na snyan ngag mkhan mtha' dag gi gtsug gi nor bur gyur/ sprin gyi pho nya la sogs pa pho nya brgyad dang / gzhon nu 'byung ba la sogs pa'i snyan ngag gi bstan bcos che ba yang mang du brtsams/ 'di dang sapta warma gnyis ka grub mtha' ni phyi