[A:276]rol pa zhig go/ /zhes 'byung ngo / /
lnga pa bod du 'gyur tshul bshad pa la gsum ste/ thu mi sam bho Ta'i dus su brda sprod pa'i dbu brnyes tshul/ ska cog dang rin chen bzang pos srol btod tshul/ bdag nyid chen po sa paN dang / shong dpang yab sras kyi skabs su dar zhing rgyas tshul bshad pa'o/ /
dang po ni/ rje btsun sprul pa'i lo tsA ba chos skyong bzang po'i gsung las/ bod yul dbus kyi rgyal po mchog /gnam ri srong btsan yan chad la/ /bod la yi ge med ces grags/ chos rgyal srong btsan sgam po'i dus/ /mkhan po thu mi sam bho Tas/ /latstsha'i yi ge dper mdzad nas/ dbyangs yig i u e o bzhi/ /gsal byed ka sogs sum cu mdzad/ /de las rjes su 'jug pa bcu/ /de las kyang ni sngon 'jug lnga/ /ra la sa yi mgo gsum dang / /ya ra la yi smad 'dogs gsum/ /da dang sa yi yang 'jug sogs/ /ston pa'i bstan bcos rnam brgyad mdzad/ /bka' srol de nyid la brten nas/ /lo paN skyes mchog du ma yis/ /rgya gar rgya nag kha che dang / /li dang bal po'i yul sogs nas/ /thub pa'i gsung rab sna tshogs bsgyur/ /brda yang mi 'dra sna tshogs bsgyur/ /ces gsungs pa ltar/ /bod yul mun pa'i gling 'dir brjod pa sna tshogs kyi skad gdangs yod kyang / rjod byed kyi yi ge med pas/ gsung rab dang / lugs brgya'i gtsug lag bzang po'i srol lam med pa ni/ dper na skyes bu blo dang ldan yang smra ba'i lce med pa dang tshul mtshungs par gyur pa'i tshe/ de dag thugs brtse bas rjes su bzung bar bzhed nas/ rje btsun 'jam pa'i dbyangs nyid mi'i gzugs kyi rnam