[A:270]slob ma la springs pa'i 'phrin yig ni/ rgyal po'i bu rin chen grags la zhes bya ba rab tu byung ba phab pa zhig la po ta la nas tshong pa rnams las bskur bas/ de yang slob springs mthong nas thos bzhin spyod par gyur to zhes grags so/ /zhes 'byung / tsandra pa'i yan lag tu 'grel bshad sogs don 'grel ji ltar byung ba ni spyi don bzhin no/ /
gsum pa ni/ kun shes las/ dbang phyug go chas gzhon nu gdong drug bsgrubs/ /grub nas tshar gcig bstan pas tshig don rtags/ /cha bsaT ka lA pa yi mdo zhes bya/ rang sde'i mkhas pa bgrod dka' seng ge yis/ /sbyar ba'i 'grel pa dur sing zhes bya dang / /gzhan sde jo bo grags 'byor gyis sbyar ba'i/ /slob phan zhes pa'i 'grel pa bod du byon/ zhes gsungs pa ste/ lo rgyus raT rim spyi dron ltar dang / der mig gsal ba'i lo rgyus ngo bo mchog gi sprul pa'i sku'i chos 'byung dang / slob dpon klu sgrub kyi grogs po slob dpon bram ze mchog sred ces bya ba dang / rgyal po bde byed kyi mdun na 'don du gnas so/ /
de'i tshe rgyal po'i btsun mo tha chung zhig gi sgra'i gnas cung zad shes la rgyal pos ni mi shos so/ skyed mos tshal du chu la rtse ba'i tshe/ rgyal pos de la chu gtor bas/ des ma mo da ka pinytsa zhes bod skad du bdag la chu ma 'thor zhes pa'o/ /rgyal pos lho phyogs kyi yul skad dang sbyar bas/ bal sran gyi 'khur ba ting mar gyis btsos pa byin cig ces par go nas de byin pas/ btsun mo des rgyal po ba lang lta bu dang lhan cig tu gnas pa las shi ba sla'o snyam nas/ lceb par brtsams pa las/ rgyal pos bzung nas sgra slob par byas te/ bram ze