[A:269]bu ba bzhi brgya dang sum cu rtsa gnyis brtsams zer/
pra ti ma ta mi zhes bya ba'i bstan bcos byang chub sems dpa'i lam rim mtha' dag ston pa zhig kyang mdzad de ches ma dar/ 'gro lding dang singga'i gling na de 'chad pa'i srol da lta'ang 'dug gsung / sdom pa nyid shu pa dang zla ba sgron me'i 'grel pa dang / sku gsum 'jug pa ni/ theg chen gyi paNDi ta phyis byon pa thams cad kyis slob par byed pa byung ngo / sgrol ma'i sgrub thabs brgya rtsa dang / spyan ras gzigs kyi sgrub thabs brgya rtsa zhes slob dpon 'dis mdzad pa bod du 'gyurabar snang ngo / khyad par tsandra pa'i mdo le'u nyi shu rtsa bzhi/ sho lo ka bdun brgya yod pa pA Ni dang mthun pa nyung ngu rnam gsal/ de'i yan lag tu yi ge'i mdo dang / u Na de'i mdo dang / ting supra kyi 'grel pa/ nyi bsgyur gyi 'grel pa rnams mdzad/ de ltar sems can gyi don yun du mdzad nas/ mthar po ta lar gshegs par bzhed de/ 'dzam bu'i gling nas dha na shri'i gling du byon pa na/ sngon klu she Sha la smad pas 'khon du bzung nas rgya mtsho'i rlabs chen pos gru gzings gzhig par brtsams/ rgya mtsho'i dbus nas sgra byung nas tsandra go mi phyir phyung zhig zer/ sgrol ma la gsol ba btab pas/ 'phags ma gtso 'khor lnga nam mkha' lding la chibs pa mdun gyi nam mkha' la byon nas klu rnams 'jigs shing skrag nas bros/ gru dha na shrIr bde bar slebs/ der dpal ldan 'bras spungs kyi mchod rten la mchod cing / sgrol ma'i lha khang brgya rtsa dang / 'phags pa spyan ras gzigs kyi lha khang brgya rtsa bzhengs/ ri bo po ta lar gshegs nas da lta yang lus ma spangs par bzhugs yod/