[A:263]ka gyis zhes bkas bskul bas/ /dus bzang brgyad la gzhan la mi ston par/ /rang nyid bslab pa'i sbyor la brtson pas na/ /nyan po gzhan gyis dus bzang bsrung dgos shar/ zhes gsungs te/ 'di dag gi lo rgyus rgyas par ni spyi don du gsal zhing / sarba dznyA zhes pa'i sgra mkhan cig gis lha'i dbang po la bslabs zhes pa'i sarba dznyA ni tshangs pa'i ming yin la/ 'di dag ni phyi rol pas mchod pa'i lha yin zhing / des bshad pa'i sgra rig rnams kyang phyi rol pa'i lugs yin mod/ gang zag dang bstan bcos de dag ngan par ni mi blta ste/ tshangs pa la sogs pa de dag 'phags pa spyan ras gzigs kyi rnam 'phrul du mdo sde za ma tog bkod pa las gsungs pa'i phyir/ ji skad du/ mdo de nyid las/ bskal pa bzang po 'di 'das pa'i sngon bskal pa dgu bcu rtsa gcig pa na/ sangs rgyas rnam par gzigs zhes bya ba 'jig rten du byon pa'i tshe 'phags pa spyan ras gzigs dbang phyug gis snyigs ma lnga dang ldan pa'i sems can rnams sangs rgyas byang chub sems dpa'i cha byad kyis mi 'dul bar/ phyi rol pa'i lha'i gzugs dang rtags dang mtshan mas 'dul bar mkhyen nas/ lha thams cad mkhyen pa zhes bya ba'i ting nge 'dzin la snyoms par bzhugs te/ tshangs pa phrag pa nas byung / dbang phyug dpral ba nas byung / nyi ma spyan g.yas nas byung / zla ba spyan g.yon nas byung / chu lha lto ba nas byung / dbyangs can ma zhal gyi lce rtse las phyung ngo / /zhes gsungs pa yin no/ /
bzhi pa rgya gar du dar tshul la gsum ste/ pA Ni byA ka ra Na byung tshul/ tsandra ka ra Na byung tshul/ ka lA pa byA ka ra Na byung tshul lo/ /