[A:262]'dod pa'i blo gsal dag gis brda sprod pa'i gzhung lugs la 'bad pa chen pos brtson par bya'o zhes snying nas gdams so/ /
gnyis pa rgyal sras kyis mdzad tshul ni/ kun shes las/ 'jam pa'i dbyangs dang 'jig rten dbang phyug gis/ /dus kyi 'khor lo'i dbyangs gsal la brten pa'i/ /yi ge'i bsdu ba mdzad pa'i sgra yi mdo/ /yod par dbyangs 'char mdor bsdus thog mar gsal/ /zhes gsungs pa ltar/ 'jam dbyangs dang spyan ras gzigs kyis gsungs pa'i sgra mdo yang yod pa yin te/ dus 'khor dbyangs 'char gyi mdor bsdus thog mar/ dbyangs dag gi dang po a yig yin pa de ni/ a sogs lnga ste/ a i r-i u l-i zhes rang byung gi bshad pa'o/ /a i u Na r-i l-i ka zhes pa ni so sor bsdu ba gzung phyir ro/ /e o zhes bklag pa las mtshams sbyor gyi yi ge ste/ e yig dang o yig dag gi yon tan gyis so/ /r-i kr-i a Na las ri la dag go/ /zhes pa'i mdo'i phyir/ r-i li dag ni ma ning du mi 'gyur te/ de gnyis kyang yon tan dang ldan pas e yig la sogs pa rnams dang khyad med do/ /zhes sogs nas de dag kyang nam mkha' la sogs rang bzhin gyi dbang gis grangs bzhin du 'jam dpal gyis/ rang gis brda sprod pa las bris so zhes gsungs pa'i phyir ro/ /gsum pa lha yul du byung tshul ni/ kun shes las/ tshangs pa rtag zhi bas byas pa yang yod/ /brgya byin gyis byas indra bu ka ra/ de la drang srong phur bus legs sbyangs pas/ /shin tu mkhas pa'i nga rgyal mchog tu gyur/ /nga rgyal brgya byin gyis bcom zhum nas ni/ /lha phran blo gsal mang la 'chad 'phro bzhag /da dung rang nyid sgra la sbong bar zhus/ /nyan 'chad gnyis