[A:239]mchog dpal gyis mkhan po/ lu phu gdan sa pa/ dbon brtson 'grus rgya mtshos las slob/ mtshungs med chos rje dpal 'byor bas gsang ston mdzad de bsnyen par rdzogs/ mdor na dgung lo nyer gcig pa nas/ sum cu'i bar blo gsal don gnyer mang po la sgos su legs bshad ci yong ngos/ so gcig nas so lnga'i bar %gyi nas % bskor ba'i zur 'chad gnang / so drug nas lo gsum/ gsang phu ba chos grags kyis mkhan po/ rje 'dis slob dpon mdzad/ so dgu pa chu pho sprel la dpal 'bum phrag sum pa'i rgyal tshab dam par mnga' gsol te/ de nas dgung lo re bzhi bzhes kyi bar lo grangs nyi shu rtsa drug tu dpal 'bum phrag gsum pa'i gdan seng ge'i khri la zhabs bkod de 'chad ba'i sgra dbyangs bsgrags/ mdor na/ nyer gcig pa la sgos chos gnang ba nas/ re bzhin pa la gdan sa gtad kyi bar lo kun dril bzhi bcu rtsa bzhi bar du mdo phyogs kyi chad nyan kho nas bstan pa rin po che gsal bar mdzad/ 'chad pa'i skabs der yang / mtshungs med rdo rje rgyal mtshan gyi dngos slob shes rab rin po che la rdzong lugs kyi gsung ngag gsan pa sogs gsan pa mang du mdzad/ re bzhi pa me mo bya lo paN chen bzang po bkra shis la gdan sa gtad de na gza' brag phug tu gdan phab/ re lnga pa sa pho khyi lor chos rgyal tshe dbang rdo rjes dpal ngar rings kyi mkhan por mnga' gsol/ re bdun pa lcags pho byi ba'i zla ba bcu gcig pa'i gnam gang la dag pa'i zhing du gshegs/
'chad pa'i 'bras bu bstan 'dzin gyi skyes bu brgya rtsa gtsig byon par bshad kyang / gtso bo bsdus na/ paN grub bzang po bkra shis/ 'jam dbyangs