[A:240] phyogs las rnam rgyal/ skyid gshongs pa chen po blo gros rnam rgyal/ 'jam dbyangs sangs rgyas rgyal mtshan/ 'dzam gling rab 'byams pa sangs rgyas lhun grub/ lnga rig bkra shis chos 'phel/ gdan gcig pa shAkya rgya mtsho/ mkhas mchog grags pa bzang po/ 'jam mgon dpal ldan bkra shis dang brgyad do (gcig lhag ) /
kho bo cag kyang lo bco lnga lon pa'i tshe/ kun mkhyen chen pos gdan sa paN grub bzang po bkra shis la gtad tsam gyi bya lo/ dpal mnyan yod kyi gtsug lag khang du/ rje nyid kyi zhabs pad bsten/ rab tu byung ba'i mkhan po dang / bla ma'i rnal 'byor sogs kyi bka' drin bstsal te/ dges pa chen pos bskyangs shing / byin rlabs snying la sim/ ming bsgyur ba'i tshe/ khyod kyi skya ming la ci zer gsungs/ klu rgyal nor bur 'bod zhus pas/ ming zur gyi klu ming de ma chad pa zhig dgos pa 'dug da khyod yon tan che ba 'dam mam/ grags pa che ba 'dams gsungs/ ci yang zhu ma spobs pa la/ yon tan che ba dga' mod/ ming la 'di bzhin gyis gsung ba phebs shing brtse bas bskyangs/ mdor na 'chad pa kho nas bstan pa spel ba la/ rong ston gyi rjes su/ kun mkhyen lcags thang pa 'di nyid bka' drin lhag par che ba yin no/
sum stong drug brgya nyi shu rtsa bdun 'das pa'i rtsa brgyad pa shing mo yos
spyi lo 1495
paN grub bzang po bkra shis byang phyi 'brog dol khrod du byon/ yongs kyi 'dren pa lha mang lcags gsum 'chi med dbang po 'dzam gling rab 'byams te lnga la mdo sngags kyi gsan pa mdzad cing / zhes gsum pa