[A:227] ba zhig la 'chad pa'i bdud rtsi spel/ slar sum cu rtsa brgyad pa 'brug gi lo la kha reg bod 'brug tu bstan pa'i gzhi btsugs/ 'chad nyan 'brug gi sgra ltar mtho bas/ rong ston chen po'i zhal gyi bdud rtsi las/ 'brug gsum 'dzoms pas gangs can 'dir snyan grags kyis khyab par 'gyur zhes lung bstan/ slar nyid kyi so dgu pa sa mo sbrul gyi zla ba dang po la 'dus pa'i tshogs brgya phrag gnyis dang bcas sa yi bdag po rin spungs nor bu bzang pos mthun pa'i rkyen sbyar te 'bras yul skyed tshal du 'chad rtsod rtsom gsum gyis rgyal ba'i bstan pa nyin mo ltar gsal bar byas pa yin no/
mdor na/ lo bco brgyad pa nas don lnga'i bar bstan pa'i bya ba 'chad rtsod kho nas dus 'da' bar byed/ lo lnga bcu rtsa brgyad du 'chad pa'i rgyun bsrings pa yin no/ /zhes grags te/ mthar don lnga pa shing mo sbrul snron zla ba'i tshes gcig la gshegs so/
slob ma'i mchog bstan 'dzin chen po bgrang bar mi bzod cing / skyed tshal nyid las mched pa'i grwa sa chen po yang thub bstan rnam par rgyal ba'i gling de las mched pa yangs pa can dang gnyis/ mnyan yod bya gshongs dang / chos 'khor lhun po/ gzha' ri dgon gsar ba rtsa ba nyid dang grwa sa chen po drug po 'di nyid kyis kyang 'dzam gling 'di mdzes par byas pa ma yin nam/
bstan 'dzin gyi thugs sras mkhas grub bstan gsal/ rtse thang sangs rgyas lhun/ go rab 'byams pa/ 'bum phrag gsum pa/ byams pa chos don grub/ 'jam pa'i dbyangs kun dga' chos bzang sogs so/ des na shing pho byi lo 'di byams chen rab 'byams pa byon pa'i lcags mo yos nas brgya