[A:226] su dka' bcu'i grwa skor gnang zhing / gsung phu'i chos lung spyi khang bzhugs sa mdzad pas chos lung dka' bcu pa zhes grags/ bcu dgu pa la mkhyen rab dbang phyug gi grwa sar phyag phebs/ lo bcu bzhugs te/ nyi shu rtsa brgyad pa la po ti bzhi bcu rtsa lngas thog drangs pa'i gzhung lugs rab 'byams la/ dpal ldan sa skyar bshad pa'i dga' ston spel bas byams chen rab 'byams pa zhes grags/
gzhan yang rong ston smra ba'i seng ge/ sems dpa' chen po gzhon nu rgyal mchog rong chung sher dpal sogs la mdo phyogs kyi gsan pa rgya cher mdzad/ e waM chos ldan du rdo rje 'chang gis mkhan po/ rje 'khor lo ldom pas las gsang / mkhas pa gzhon seng gis dus go bar mdzad de bsnyen par rdzogs/ mkhan slob gnyis las gsung ngag rin po ches gtsos pa'i bde dgyes gsang gsum gyi rgyud man ngag gi bcud chen po blangs/
de nas 'di ltar dgongs te/ dben pa'i bdud rtsis nyin mtshan 'da' ba rje mi la lta bu'am/ 'dus pa'i tshogs la rna ba'i bdud rtsis nyin mtshan 'da' ba rje blo ldan shes rab lta bu gang yang rung ba'i rnam thar la zhugs par bya yi/ gzhan ni bdag gi cha ma yin no/ 'on kyang de gnyis gang zhig bstan pa la phan par lung bstan du gsol zhes bla ma dkon mchog dpang du gsol ba'i brtag pa mdzad pa na/ 'od gsal gyi ngang der/ rgyal gyi shrI yin zer ba'i rir/ lung gi chos po ti brag ri gtams pa pha mtha' mngon sum zhig gi brda don bsam pas 'chad pa'i sgra dbyangs bstan 'gro'i dpal du dgongs te/ thog mar nA lendra'i chos grwar 'dus pa'i tshogs ha cang mi mang