[A:223]de/ bsnyen par rdzogs zer/ nyer gcig pa la gung thang gi dpal ri 'dabs kyi dgon par sems dpa' chen po rgyal mtshan dkon mchog lo nga bdun pa zhig gi drung du/ gsung ngag lam skor dang bcas pa dang / gsang 'dus mi bskyod lugs kyi dbang bka' 'gos lugs dang / bshad bka' bo dong lugs dang / nag khrid dmar khrid sogs nod/ bzhi bcu pa la gung thang gi chos grwar shAkya bha dra lo gya brgyad pa zhig la/ dpal ldan sa skya pa'i dbang bshad man ngag mang du nod/ zhe lnga pa la mus srad kyi bstan 'dzin gling du rin chen chos sde legs pa lo don gnyis lon pa zhig la/ gur si sbyong rgyud sogs kyi dbang bshad man ngag mang du gsan/ bo dong phyogs las rnam rgyal dang / bde chen rnam rgyal grags bzang la dus 'khor dbang sogs gsan/ zhe dgu pa la dpal ldan sa skyar gdan phebs/ thog mar sa skya sman grong du/ zhi khro sogs rnying ma'i chos 'khor mang du bskor/ de nas nyi thog dang zhe dgon sogs su bzhugs/ de nas grang mo che pa'i brgya dpon chos rje kun bsam pas/ bla ma mnyam med pa dang / chos rje gzungs pa nas brgyud pa'i chos rgyud dri ma med pa bzhugs par dgongs nas bla brang che mor spyan drangs gdan phab ste/ dgung lo lnga bcu pa nas zhi bar gshegs kyi bar gnas de nyid du zab don nyams bzhes dang 'chad rtsod rtsom gsum gyis bstan pa rin po che gsal bar mdzad/
de yang rtsom ni rgyud man ngag lag len/ spyi 'gro gsal byed de gsal byed rnam bzhi/ bla ma 'phags pa/ bla ma dam pa/ phyag len/ bka' sgrub ste sgrub pa rnam bzhi/ bir srungs 'khrul sel sogs 'khrul sel rnam