[A:222] ba'i dbyings su gshegs so/
sum stong lnga brgya dang lnga bcu rtsa drug 'das pa'i nga bdun pa shing pho 'brug
spyi lo 1424
lor mtshungs med rdo rje rgyal mtshan chag skyar skya'i phu'i 'brog gseb tu byon/ theg chen chos rje don drug bzhes pa'i lo de yin/ 'di nyid byams chen rab 'byams pa las lo bcu gsum gyis gzhon/ paN shAka pa las bzhi dang / kun mkhyen go rams las lo lngas bgres/ zla ba gnyis nas mnga' ris gung thang du spyan drangs/ lo brgyad pa la glang 'khor ba manydzu shrI las rab byung mdzad/ dgu pa la/ sha ra ba'i dngos slob kun smon mdzes pa'i dpal gyis btab pa'i dgon pa mus srad kyi gdan seng ge'i khri la zhabs bsten/ lo gsum gyi bar du chos rje yon tan mgon po las rta mgrin yang gsang sogs gsan/ bcu gcig pa shing pho stag lor/ gung thang gi chos grags/ bla chen chos dpal bzang po lo re bzhi bzhes pa'i tshe zhabs pad bsten/ lo drug gi bar du rgyud gsum gyi gsan stong sogs dpal ldan sa skya'i gsung rab dri med pa thugs la smin/ lo bco brgyad pa lcags mo bya lor/ dpal ngam rings kyi chos grwar rdo rje 'chang A nan ta ma ti lo bdun cu pa zhig dang / mnyam med dpal ldan chos skyong gi lo so gnyis pa zhig gi zhabs la gtugs te/ A nan ta pa las/ lo nag dril gsum/ 'jigs byed rwa lugs/ phag mo skor gsum/ chos skyong gi man ngag sogs dang / bdag chen dpal chos drung du rgyud gsum las byung ba'i dbang bka' bcu bdun sogs dang / bde kyes kyi bka' du ma gsan/ bcu dgu pa la sems dpa' chen po gzhon nu rgyal mchog pas mkhan po dang / nam mkha' lhun bzang pas slob dpon mdzad