[A:200]skor mdzad nas snar thang du phyag phebs/ de nas nya dbon la phar phyin dang / rje btsun red mda' pa las mngon pa dang dbu ma sogs gsan te/ de nyid kyi thugs sras dam par gyur/ skyor mo lung gi mkhan po bka' bzhi pa blo gsal la 'dul ba gsan/ gong gsum bde chen pa sogs las sngags kyi rgyud man ngag gsan/ jo gdan tshogs chen po'i mkhan po dka' bzhi pa tshul rin las bsnyen par rdzogs/ bla ma dbu ma pas mtshams sbyar te rje btsun 'jam pa'i dbyangs la chos gsan/ bla ma dbu ma pa ni/ mdo khams su byis pa'i dus nyid nas 'jam dbyangs kyi sku'i snang ba shar/ rje 'di dang phar slob tshur slob yin/ mdor na rje 'dis sku tshe'i stod la thos bsam gyis rgyud sbyangs/ bar skabs su bya bral kho na mdzad/ zab don la dpyad sgom gyi sgo nas don nyams su bzhes/ 'phral gyi kun spyod 'dul ba'i lag len gsos btab/ khyad par du dbu ma thal 'gyur ba'i bstan pa cher spel/
sku tshe'i smad la gzhan don phyogs med du rgyas/ dgung lo nga gsum pa sa mo glang la chos 'khor lha sar smon lam chen mo mdzad/ jo bo la rin po che'i dbu rgyan yang gsol/ bka' chems las/ de nas khyad par bsnyen bkur cher mdzad pa// dge slong byang sems shar phyogs sku 'khrungs pa// gsang sngags 'chang zhing rnal 'byor chen po ni// snying po'i mtha' can skyes chen dam pa ni// zhal yang bsgyur zhing bsnyen bkur dam pa mdzad// ces pa'i lung gi don yin par yang 'chad/ lo de nyid la ri bo dge ldan yang btab/ de phyin ri bo dge ldan pa zhes yongs su grags pa yin no/ de nas dgung lo re gsum pa sa mo phag gi nyer lnga la dag pa'i zhing du gshegs so/