[A:197]rtsa lnga pa chu pho 'brug gi zla ba bcu pa'i nyer dgu'i nyi shar la dag pa'i zhing du gshegs so/
des na sum stong bzhi brgya pa'i mjug 'dir bka' bzhi pa dang bka' bcu pa la sogs pa'i mtshan dang ldan pa'i mkhas grub mang dag byung ste/ hor bka' bzhi pa seng ge rgyal mtshan/ bka' bzhi pa nam mkha' 'od zer la sogs pa dang / bka' bcu pa ni/ rgyal tshab dar ma man chad nas byung bar gsal te/ de yan du bka' chen bzhir grags pa dang / de bzhi'i steng du ci rigs bsnan pa'i drug tsam la gra skor mdzad pa sha stag byung ba yin la/ rgyal tshab rjes po ti bcu la bshad pa'i srol btod man chad nas dka' bcu pa zhes mtshan grags shing / bo dong phyogs las pas bco lnga la bshad pa gnang yang dbon po bka' bcu pa zhes pa tsam las ma byung la/ phyis byams chen smra ba'i dbang po sangs rgyas 'phel man chad nas rab 'byams pa zhes kyang yongs su grags so/ 'on kyang bka' pa gzhon nu seng ge sogs/ de yan du yang bka' pa'i mtshan chung zhig grags par gsal lo//
sum stong bzhi brgya dang gya gcig 'das pa'i gya gnyis pa sa mo glang
spyi lo 1349
la theg chen chos rje kun dga' bkra shis dpal sa skyar byon/ chos rje bla ma las so bdun gyis gzhon/ de yang bdag nyid chen po bzang po dpal gyi sras rnams bla brang go bzhir gyes pa'i lha khang bla brang pa'i gdung brgyud dri ma med pa ste/ lha khang bla brang pa ti shri kun rgyal/ yab bzang po dpal zhe dgu pa lcags pho khyi lor byon pa yin la/ de'i sras rtan dben chos rgyan yab nyer gsum pa chu pho sprel lo la byon pa yin zhing / de nyid bco brgyad pa'i