[A:196]
de'i tshe chos kyi gnad ma rtogs par grub mtha'i kha 'dzin rang stong gzhan stong zhes pa'i ming tsam la zhen pa dag gis/ chos spong gi las rgya cher bsags par snang ba ni/ blun rmongs kho na'i spyod yul lo/ mkhas pa 'di ni bshad sgrub zung ldan du mdzad de/ bul rong gi dben gnas su lo bcu gnyis bzhugs pa'i lo lnga rtsod sgom gtso bor ston pa'i thugs dam nyams bzhes kho na mdzad/ lo bdun skal ldan gyi gdul bya brgyad cu skor la nyams khrid legs bshad kyi dga' ston spel/
rtsom pa mdzad pa yang / 'dzam gling mdzes pa'i rgyan mchog dka' chen bzhi// rtsa 'jug gzhi gsum theg chen rgyud bla ma// chos mngon mdzod dang dpal ldan 'dus pa ste// rnam bshad mdzad pa'i gzhung lugs bcu phrag cig// phar tshad shes pa'i slob ma brgya phrag brgal// ces pa ltar yin la/ 'chad pa dbyangs kyi gsung las skyes pa'i slob ma'i grangs kyang / gzhung lugs rab 'byams smra ba'i bshes gnyen bdun// bka' bzhi legs par smra ba bcu phrag gcig// phar tshad shes pa'i slob ma brgya phrag brgal// zhes pa ltar te/
bshes gnyen bdun ni/ sbyangs pa'i mchog gyur kun mkhyen sher 'od dang // sras kyi mchog gyur blo bzang grags pa dang // lta ba'i mchog gyur gon gyo nyi ma grags// nyams len mchog gyur kun dga' dpal bzang po// rtsom ldan mchog gyur dpal 'byor shes rab dang / 'chad mkhas mchog gyur bsod nams shes rab dang // rtsod bzang mchog gyur dar ma rin chen te// zhes pa ltar yin zhing bka' bcu ba gzhan yang / byang pa bka' bcu pa dge legs dpal la sogs pa'o// de lta bu'i skyes bu 'di ni/ drug cu