[A:198] sras theg chen chos rje 'di yin no/
de yang dang po sa bzang ma ti las rab tu byung / phyis chos rje bla ma las bsnyen par rdzogs/ gzhan yang / gangs khrod pa grags pa dpal/ jo nang phyogs las sogs mkhas grub mang du bsten/ gsung ngag gsan pa'i bla ma yang / thog mar ma ti pan chen la sa bzang dgon par gsan pa yin mod/ de nyid la lam dus kyi chu rgyun chag med mi bzhugs pas/ phyis sa skya zur khang du bu ston dbang phyug dar la gsan/
brgyud pa de yang chos rje brag phug pa nas brag phug dkon rgyal/ des sa skya bu ston la brgyud pa yin gyi chos rje bla ma brgyud pa la mi bzhugs pas/ phyis chos rje bla ma las dngos su nod pa mkhan chen byang seng la gsan pa yin no// zhes rje btsun dam pa kun dga' grol mchog gsungs la/ rje btsun blo gsal rgya mtsho'i gsung las/ mkhan chen byang seng la zab chos mang du gsan yang / gsung ngag gsan pa'i bla ma ni snga ma gnyis kho na'o zhes gsungs so/
gang na'ang dbang khrid gdams pa'i sgo mo brgya phrag gis skal ldan gyi 'gro ba'i yid gsos par mdzad de mthar tA ming rgyal pos spyan drangs te/ re bzhi pa chu pho 'brug la sa skya nas shar phyogs la phebs/ re lnga pa chu mo sprul la pho brang gser khang du rgyal po dang mjal/ rgyal po 'khor bcas la dbang gdams pa'i sgo phye/ 'phags pa ti shri dang 'dra bar bod chol kha gsum yang 'bul gsungs/ slar pho brang tA'i tur byon/ gser dngul gyi thub pa nye ba'i sras brgyad kyis bskor ba gandho la dang bcas pa yang phul/ 'di nyid byang ngam