[A:195]cung mi 'gro bar sems te/ mdog lo pas chos rje bla ma las bsnyen par rdzogs shing / chos rje bla ma'i sdom rgyun ni kha che mkhan po shAkya shrI las brgyud pa'i phyir ro/ gzhan yang bla ma dpal ldan pa'i drung du lam 'bras/ lo tsA ba nam bzang / lo tsA ba grags rgyal/ lo tsA ba skyabs mchog dpal sogs las gsang 'dus sogs kyi rgyud man ngag dang / mkhan chen byang seng la dbu ma gsan zhing dkon mchog la gsol ba btab ste rang gi rnam dpyod kyis dpyad pas dbu ma thal 'gyur ba'i gnad la nges pa rnyed de/ nged dang po slob gnyer byed dus dbu ma'i dpe cha gcig 'dug ces nor mi che bar byed pa las/ deng sang rtsis su byed pa ni kho bos bstan pa la bya ba byas pa yin zhes dang / karma pa dkon gzhon gyi gsun gis/ deng sang mkhas rmongs kun la dbu ma dbu ma zer ba 'di red mda' pa'i drin yin/ de gong thang zag na dbu ma shi ro gcig las gzhan med ces kyang gsung zer te/ rgyud gsang ba 'dus pa dang / dbu ma thal 'gyur ba'i bstan pa la 'di kho na bka' drin che ba yin/
de yang mkhas pa 'di sngon bu rin po la mos pa shig yin na'ang / slob dpon dang grogs kyi stobs kyis kun mkhyen chen po'i grub mtha' la 'dris che ba zhig byung / de nyid kyi grub mtha'i rgyab brten bka' bstan bcos la gzigs rtog tshar gsum mdzad pas dang po la gzhan stong gi grub mtha' de ni bka' bstan bcos dag gi dgongs pa yin nges pa shar/ gnyis pa la som nyi za ba gcig byung / gsum pa la min par nges shes 'drongs pa gcig byung gsung zer ba na'ang / gnas skabs so sor phye dgos so zhes kho bo cag