[A:172] 'phags pa'i sku 'dra 'bum thob bcu gsum zhes grags pa rnams bzhengs/ bcu bzhi pa la gong la byon/ ti shri mdzad/ nyi shu pa la mdo khams pa tri mandal zhes par tshes bco brgyad la gshegs so/ des na shing byi 'di dharma pA la'i sa pho 'brug nas nyis brgya go bdun pa yin/ sa pho 'brug de ni/ 'phags pas lha khang chen mo bzhengs pa'i lo yin te dpal ldan sa skya btab nas lo brgya dang go drug pa sa pho 'brug la lha khang chen mo'i 'gram bting zhes 'byung ba yin no/
sum stong bzhi brgya dang nyag brgyad 'das pa'i (nyag dgu) me pho byi
spyi lo 1276
lo dpang lo tsA ba blo gros brtan pa las stod gyam du byon khong gis lo lnga lon pa'i tshe 'phags pa rin po che dag pa'i hing du gshegs/ yum snga mor gshegs nas lug gi 'o mas gsos pas lu gu zhes par grags/ kho bo ba'i 'o mas gsos na legs pa la lug gi 'o mas gsos pas blo gros kyi phyed 'grib ces gsungs/ lo bdun pa la mkhan chen gser khang pa dang me ston 'dul 'dzin las rab tu byung / bcu gcig pa la mdo rtsa rdzogs par bzung / bcu gsum pa la mdog tsha snar stag sde seng rgyal lo bcu dgu pa'i bar du bsten/ bcu dgu pa la stag sde pa gshegs nas mang mkhar khra tshang du lo tsA ba mchog ldan la dus 'khor sogs gsan/ gzhan yang / stag sde ti phug gi mkhan po shes rab dpal dang / sa skya'i 'jam dbyangs bzhi thog pa dang / 'jam skya dang / rong pa shes rab seng ge sogs kyi zhabs pad bsten/ rong pa sher seng 'di ni rong pa sga lo'i sras te lcags mo phag lo pa yin/ ti shri grags 'od las lo drug gis gzhon/ dpang lo las nyer lngas bgres/ slob