[A:171]ba don ldan/ chos grags rgya mtsho/ mi bskyoed rdo rje ste/ karma paka shi nas mi bskyod rdo rje'i bar bdun byon zin pa la/ dus gsum mkhyen pa ni/ skal bzang gi sangs rgyas stong gi drug pa seng ge'i rnam 'phrul yin par bshad la/ karma paka shi ni/ sa ra ha pa'i rnam 'phrul du bshad kyi/ dus gsum mkhyen pa'i sku skye yin zhes kyang ma bshad pas/ karma zhwa nag pa zhes grags pa'i thog ma ni karma paka shi nas ngos 'dzin dgos par sems la 'on kyang karma pa zhes pa'i mtshan 'dogs pa ni dus gsum mkhyen pas/ smad du kam po gnas nang / bar du karma lha steng / stod du mtshur phu'i dgon pa btab nas karma pa zhes mtshan 'dogs par gsal bas/ dus gsum mkhyen pa la karma pa zhes pa'i sgra bshad du yod pa tsam zhig yin no snyam du kho bos sems so/
de lta bu'i karma paka shi'i slob ma ni/ rje u rgyan pa/ karma zhwa dmar can/ zhwa ser can/ zhwa khra can la sogs pa'o/
sprul sku zhwa dmar ba tshul khrims dpal ni me pho byi lor bltams/ til lo pa'i slob ma khol po dga' zhes pa'i sku skye yin zer ro/
sa bcad bzhi pa sum stong bzhi brgya pa'i skabs su byon pa ni/ bdag nyid chen po dharma pA la/ dpang lo/ na bza' brag phug pa/ bu dol la sogs pa'i mkhas pa rnams te/ de yang sum stong bzhi brgya 'das nas nyag ma gcig gi steng du sleb pa sa pho 'brug
spyi lo 1268
lor/ 'gro mgon phyag na'i sras dharma pA la bltams/ bcu gsum pa la sa skya'i gdan sa mdzad/ de'i lor 'phags pa zhi bar gshegs/ nang rten lha chen dpal 'bar dang /