[A:170]
de'i gcung ti shri kun dga' rgyal mtshan yab zhe dgu pa lcags phyo khyi lor byon/
sa'i len dbang kun dga' legs pa lcam sring la dus mchod bla brang pa zer/ 'di ti shri kun dga' legs dang dgung mnyam yin no/
ta dbon kun dga' nyi ma sku mched gsum la rin chen sgang bla brang [pa] zer te/ ta dbon kun nyi'i gcung 'jam dbyangs don yod rgyal mtshan ti shri kun rgyal dang dgung mnyam yin/ so bzhi pa zla ba lnga pa'i tshes bcu gcig la gshegs so/
gcung chos rje bla ma yab nga gcig pa chu pho byi lor byon/ re bzhi pa/ nyer lnga la gshegs so/ des na da lta'i shing byi 'di bdag nyid chen po byon pa'i khyi lo nas sum brgya dang gsum du sleb pa lags so/
mnyam med grags rgyal 'di bas lo gcig gis gzhon lo gya lnga bzhugs zer/
kha che pan chen bod du byon pa'i shing pho byi
spyi lo 1204
lor karma paka shi byon/ sa pan las lo nyer gnyis kyis gzhon/ dus gsum mkhyen pa'i slob ma pom brag pa'i zhabs la gtugs/ hor rgyal pos kyang spyan drangs/ mes bsregs/ chu la bskyur/ mtshon gyis btab kyang gnod pa ma byung bas zhabs tog byas zer/ brgyad cu pa lug lo zla ba gsum pa'i tshes gsum la gshegs so/
'di ni sa ra ha'i sprul pa yin la/ 'di sku skye brgyud spel du byon pa ni/ karma rang byung rdo rje/ rol pa'i rdo rje/ de bzhin gshegs pa/ mthong