[A:151] kha'u pa 'od ldan dpal bzang po/ skyi ston dri med dpal bzang po (gnyis chad) rnams so/
jo gdan byang chub dpal ni/ chos rje pa'i slob ma shin tu yin kyang / kha che pan chen gyi mkhan bu yin pas chos rje pa'i sdom phrug tu cung zhig mi rigs pa 'dra mod/ 'on kyang rje kun mkhyen gyi Tika ltar bgrangs pa'o/
gzhon pa rgyal mtshan gyi mtha' can bdun ni/ shar pa ye shes rgyal mtshan/ khang ston 'od zer rgyal mtshan/ dga' ldan pa chos kyi rgyal mtshan/ gsol ja ba 'dul ba rgyal mtshan/ 'u yug pa dpal gyi rgyal mtshan/ yar klungs pa shAkya rgyal mtshan/ yar klungs pa byang chub rgyal mtshan rnams so/
de yang yar klungs pa byang chub rgyal mtshan ni/ chos rje pa'i rnam thar tshigs bcad ma rgyas pa rtsom pa po yin la/ rnam thar bsdus pa rtsom pa po'i yar klungs pa grags pa rgyal mtshan yang bsnan nas rgyal mtshan gyi mtha' can brgyad ces bya'o/
lo chen bzhi ni/ phyag (chag) lo tsA ba chos rje dpal/ glo bo lo tsA ba shes rab rin chen/ rong pa sga lo rnam rgyal rdo rje/ zhang lo tsA ba grub pa dpal dang bzhi'o/
chag lo ni/ chag dgra bcom gyi dbon po ste/ me mo sbrul lo la byon/ sa pan las lo bco lngas gzhon no/
zhang lo ni/ kha che pan chen gyi slob ma'ang yin la gtso bor ras chung snyan brgyud kyi brgyud pa la bzhugs pa de'o/
yar klungs pa rgyal tsha lung gi dbang phyug/ zhang bya ru ba Arya de wa/