[A:150]
nyan chen bsod nams brtan pa la stod byang mdog rje rong dbyig mkhar du chu pho rta la byon/ tshogs sgom pa lo bcu gsum bsten/ lo go drug bzhugs/
tshogs sgom pa las lo bcu gnyis kyis gzhon no/ lho pa kun mkhyen rin chen dpal lho pha drug pa yin/ sku shin tu bgres pa nas byang ngos su brda don gsal ba'i tho sgrig zhu ba la byon/ dmar chos rgyal/ pu rangs lo chung gi dngos slob dmar chos rgyal mtshan gyi dbon rgyud yin/ chos rje pa lo brgyad bsten/
shar nub gung gsum gyi/ shar pa shes rab 'byung gnas dang / shar pa rdo rje 'od zer te sku mched gnyis/ nub pa 'u yug pa rigs pa'i seng ge/ de'i dbon po nyi thogs pa sangs rgyas kun smon/
de'i ka chen khang gnyan zhang gsum zur khang pa dang bzhir grags pa'i khang ston 'od zer rgyal mtshan/ gnyan dar ma seng ge/ zhang mdo sde dpal/ zur khang pa dkar shakya grags/ gung pa la skyo ston dri med de/ de thams cad sa pan gyi dngos slob yin no/ dkar shAka ni gtso bor grags pa yin no/
sdom phrug bgres pa bcu gsum ni/ tshogs sgom kun dga' dpal bzang po/ rin chen skyob pa dpal bzang po/ lho pa kun mkhyen rin chen dpal bzang po/ zhang rgyal ba dpal bzang po/ zhang mdo sde dpal bzang po/ phyi ru ba seng ge dpal bzang po/ grub snying po rdo rje dpal bzang po/ ldong ston shes rab dpal bzang po/ jo gdan byang chub dpal bzang po/