[A:149]gter zhes bya ba'i sgo nas tshad ma'i bstan pa ji lta ba bzhin shar ba yin zhing / rig gnas gzhan la yang des mtshon te shes par mdzod cig/
sa panDi ta'i slob ma'i mchog rtogs pa'i brgyud 'dzin tshogs grub dbon gsum/ man ngag gi brgyud 'dzin lho dmar rnam gnyis/ bshad pa'i brgyud 'dzin shar nub gung gsum/ sdom phrug bgres pa dpal bzang po bcu gsum/ gzhon pa rgyal mtshan gyi mtha' can bdun/ lo tsA ba chen po bzhi/ sbas pa'i rnal 'byor pa chen po bzhi/ mkhas btsun gyi thugs sras bzhi/ sgrub pa'i brgyud 'dzin rgyal ba yang dgon pa/ sbas pa'i grub chen zangs tsha bsod rgyal lo/
de dag kyang rim pa ltar/ tshogs sgom kun dga' dpal/ gtsang sgyer phur lcags pho rta la byon/ chos rje pa lo bcu gsum bsten/ go brgyad pa la gshegs/ sa pan las lo nyer brgyad kyis gzhon/
grub chen yon tan dpal stag ste ngam rings su byon/ chos rje pa lo drug bsten/ se mo che ras pa zhes grags/
dbon po 'phags pa rin po che sa pan nga bzhi bzhes pa'i shing mo lug la byang ngam rings klung khungs su byon no/
tshogs grub dbon gsum gyi brgyud pa 'dzin pa la la nyan zhang gsum zhes grags te/ la ru ba bsod nams bzang po/ stag rtse la ru gser khang du byon/ bco brgyad pa la 'phags pas rab tu byung / shar pa rdo rje 'od zer la rgyud gsum man ngag dang bcas pa gsan/ phyis spyi'i sen mo rang grub thob yon tan dpal la lo gsum gsung ngag gsan no/