[A:139]gnyis pa chu mo glang la gung thang gi 'bum mo che bzhengs/ bang rim gsum pa'i tshe zhi bar gshegs so/ des na da lta'i shing byi 'di/ dwags po'i sa mo lug nas bzhi brgya dang gya drug/ phag gru pa dang dus gsum mkhyen pa'i lcags stag nas nyis brgya dang nyer lnga/ zhang gi chu mo yos nas bzhi brgya dang zhe gnyis su slebs pa'i lor shes par mdzod cig/
sum stong nyis brgya dang drug cu 'das pa'i re gcig pa sa pho sprel
spyi lo 1128
lo gling ras bltams/ rang lo so gcig pa nas rgyal ba lo dang / sum pa lo sogs lo ras mched gsum snga phyir lo bco lnga bsten te/ nA ro pa'i gdams pa nyams su bzhes/ zhe gcig pa la phag gru pa'i lhan cig skyes sbyor gsan pas/ chu bo gangga tshun na lta ba bzang bar grags/ dbyar zla gsum phag grur bzhugs/ bud med sngon mo zhig gis mdo rgyud kyi lung gnang bas mdo rgyud rang dbang du 'grel ba'i spobs pa thob/ bka' 'gyur thugs la bzhugs/ mkha' 'gro ma lngas rigs lnga'i dbu rgyan rgyu gos chen la sku rnams thugs las bton pa phul ba da lta yang sna phu chos lung na yod zer/ rang lo re gcig pa sprel lo dbyar ra'i nyer brgyad la gshegs/
'di skye med zhang las lo lngas gzhon no/ gling ras kyi slob ma'i gtso bo ni gtsang pa rgya ras ye shes rdo rje'o/ dgung lo lnga bcu nga gcig bzhugs pa'o/
sum stong nyis brgya dang don bzhi 'das pa'i don lnga pa chu pho khyi spyi lo 1142
la stag lung chos rje bkra shis dpal g.yang shod bong rar bltams/ lo bco brgyad pa la rab tu byung / nyi shu rtsa bzhi pa la dbus su byon/