[A:134]
sum stong nyis brgya dang don bzhi 'das pa'i don lnga pa chu phyo khyi
spyi lo 1142
la rje btsun rtse mo byon/ lo gsum pa la 'jam dbyangs/ kyai rdor/ sgrol ma gsum gyi zhal gzigs/ bcu drug pa yan la rgyud man ngag gi sgro 'dogs chod/ bcu bdun pa la cha pa'i drung du byon/ snga phyir lo bcu gcig tu mdo phyogs kyi sgro 'dogs bcad cha pa sku gshegs pa'i tshe/ chos khri'i steng du sku 'bum bzhengs pa la/ rtse mor gser tog phul/ cha pa'i sku tshad dang mnyam pa'i ras bris phyag bris su gnang ba la/ rdzas mdog ma 'dres so sor 'byed pa'i mig rtsa dmar po can zhes sogs kyi bstod pa yang yod zer ro/
nyer bdun par me mo phag la chos la 'jug pa'i sgo brtsams/ nyer brgyad par gsung ngag rin po che gnang ba'i sgo nas/ gdul bya skal ldan la 'jam dbyangs phyag na padma/ bi rU pa gnyis kyi dag pa'i snang ba bstan/ zhe gcig pa chu pho stag gi smal po zla'i tshes bcu gcig la dag pa'i zhing du gshegs/ rje pas mdzad pa'i gsol 'debs gdung dbyangs ma'i mchan las/ tshes bcu'i dgong rje btsun sku mched sogs kyis tshes bcu'i mchod pa mdzad/ nang pa rje pas byon pas/ na bza' sbu gu thibs pe sku lus ma spangs par mkha' spyod la bzhud/ gdung dbyangs kyi gsol ba drag tu btab pas/ na bza'i sbu gu nas/ bung ba'i skad lta bu'i lung bstan khyad par can byung zhes bshad do/
sum stong nyis brgya dang don dgu 'das pa'i brgyad cu pa me mo yos spyi lo 1147
la rje btsun grags pa byon/ brgyad lon pa'i tshe byang sems zla rgyal las tshangs spyod dge bsnyen gyi sdom pa nod/ bcu gsum pa la dpal