[A:133]sras 'brom de'i lam 'bras gnyis te gsum/
se mkhar chung pa nas 'phel ba rab 'bring gsum yod pa'o/ 'bring du thob pa zha ma nas 'phel ba la/ pho brgyud mo brgyud bsres brgyud gsum/ pho brgyud la yang rje khum bu ba chos rgyal nas se sgom grags rgyal/ rje mal gro sogs las 'phel ba'i slob brgyud dang / sras zha ma tsandi nas spangs rje nyi ma grags las 'phel ba'i bsres brgyud de gnyis mo rgyud la yang / zha ma'i slob ma nyang sgom las/ smon dkar ba/ stod g.yung / dbon po sher tshul gsum nas 'phel ba'i lugs gsum ste pho mo'i lugs lnga dang brgyad/
bsres brgyud la/ zha ma pho mo bsres pa dum bu ko brag pa'i lugs/ zha ma pho mo gnyis sa lugs dang gsum bsres pa cha gan gyi lugs/ 'brog mi lugs dang gyi jo lugs bsres pa/ jo nang kun spangs kyi lugs/ lam 'bras sbyor drug rdzogs chen gsum bsres pa la/ la stod dbang rgyal gyi lugs te bsres brgyud bzhi dang bcu gnyis/
rab tu thob pa zhang gi brgyud 'dzin sa lugs la snga bu dang phyi bu gnyis/ snga bu la phag gru lugs dang / gces sgom lugs gnyis/ phyi bu la nye brgyud dang ring brgyud gnyis te sa lugs bzhi dang bcu drug/
'brog jo sras gnyis dang zhang ston mched gnyis te bzhi'i gsung ngag gi gces mdzod bsdus pa mang lam zhig po'i lugs dang bcu bdun/ se thon las mtha' mar thob pa byang chub ye shes kyis zhing phug pa la gdams pa'i lugs dang bco brgyad do/ de dag re re la ji ltar 'phel tshul mang bas ma bris so/