[A:132] khams pa rgwa?sga lo/ ne tshe sbal ston/ gshen rdo rje bzang po'o/
mdor na/ spyir mdo rgyud kyi snying po dang / sgos bla chen 'brog mi'i rgyud man ngag gi bcud kyi snying po 'dzin pa ni/ dpal sa skya pa chen po 'di kho na ste/ ji skad du/ ma dros ye shes zhabs las rgyun bzhi'i bla ma ni// rgyal po rigs dang snying po snang ba'i mtha' can ste// rig dang snying po zhabs las 'bar ba 'bar ba'i mtha'// rgyun bzhi 'dzin pa'i bla chen de la bdag phyag 'tshal//
zhes pa ltar 'brog mi lo tsA ba ma dros pa'i mtsho chen po las/ 'khon dkon mchog rgyal po/ se ston kun rig/ mnga' ris pa gsal ba'i snying po/ 'phyin lo tsA ba 'od kyi snang ba ste gangga la sogs pa'i chu bo chen po bzhi dang 'dra ba'i rgyud man ngag gi rgyun babs/ bla chen sa skya pa chen po'i thugs kyi snod du nye bar gzung ba yin te/ de yang rgyun thog mtha' gnyis ni/ 'khon dkon mchog rgyal pos/ 'brog mi dang 'phyin gnyis char la dngos su gsan zhing / de la bla chen sa skya pas dngos su gsan pas grub/
rgyun bar pa gnyis ni/ se las zhang ston chos 'bar dang / mnga' ris pa las sgyi chu ba dgra lha 'bar gyis gsan la/ de gnyis la sa chen gyis dngos su gsan pas grub pa yin no/
de ltar na yang spyir gsung ngag lam 'bras kyi bka' srol bco brgyad ces grags te/ bla chen 'brog mi dang gyi jo las brgyud pa'i lam 'bras gnyis lab kyi jo lugs dang gcig/ dang po las 'phel ba la/ bla chen 'brog mi'i sku'i sras indra dang / rdo rje las brgyud pa'i lam 'bras/ thugs kyi