[A:48]cag gi rig pas dpyad na sngar bar dor 'grub pa lung bstan pa de bar dor mthong ba'i lam gyi ye shes thob ste/ sa dang po rab tu dga' ba mngon du bsgrubs nas bde ba can du gshegs la/ de nas gnyis pa dri ma med pa thob par mdzad nas 'jig rten gyi khams gser mdog can du gling bzhi la dbang ba'i 'khor los sgyur ba'i cha lugs 'dzin par 'gyur te/ mdo sde sa bcu pa las/ sa gnyis pa thob pa'i byang chub sems dpa' phal cher gling bzhi'i 'khor los sgyur ba'i rgyal por 'gyur ro zhes gsungs pa'i phyir ro snyam mo/ /de ltar bdag nyid chen po de mya ngan las 'das nas sems can spyi mthun gyi bsod nams zad par gyur te/ sngon mi rabs su lo nyes pa byung ma myong ba'i yul thams cad du/ sad dang ser ba dang / rlung dang char pa rnams kyis lo nyes par gyur/ nad kyi rigs sna tshogs pas sems can gyi rigs sna tshogs pa gtses/ 'khrug pa dang / mi ngas rnams kyis 'jig rten ma rungs par gyur to/ /byang chub sems dpa' chen po dag 'das pa na/ 'di lta bu'i mi 'dod pa byung ba chos nyid yin te/ sngon rgyal po zla 'od kyis dbu byin pa na/ 'dzam bu'i gling gi mi thams cad kyi mgo bo'i rgyan dus gcig tu sa la lhung zhing / sa g.yos pa dang / skar mda' ltung ba dang / bkra mi shis pa sna tshogs byung nas mi thams cad tshe'i dus byas nas lha'i gnas su skyes so zhes grags pa dang / de bzhin du byang chub sems dpa' phal che ba la de ltar 'byung bar gsungs la/ gzhan yang 'phags pa klu sgrub 'das nas lo bdun mi ngas byung bar grags la/ chos rgyal mya ngan med pa 'das pa na mi ngas chen po byung ba dang / bod yul 'dir yang rgyal po khri srong sde btsan 'das pa na lo nyes dang 'khrug long byung ba dang / rgyal po ral pa can 'das pa na mi ngas chen po byung zhing dam pa'i chos