[A:497]gus bsten bsnyen par rdzogs pa'i sdom pa bzhes/ /dge slong rdo rje 'dzin la gsol ba 'debs/ /zhes gong du smos pa'i gsan bsam mthar phyin par mdzad pa de dag go yul tsam du ma lus par thugs nyams su bstar bas/ thams cad mkhyen pa mkhyen brtses gsol 'debs las/ brjod bral bde chen gnas lugs mngon gyur kyang / /rim gnyis bzlas par bcas pa'i rnal 'byor la/ /nam yang g.yel med sgrub pa lhur len pa'i/ /grub pa'i gtsug rgyan mchog la gsol ba 'debs/ /zhes pa'i don ltar bsnyen sgrub kyi rim pa mdzad pa aShta'i bsnyen chen nA lendra gsung ngag gnang ba'i snga rol nas song zin pa dang snga phyir bde mchog yab bka' yum bka'/ 'jigs byed/ gshed dmar/ phur pa/ mgon po che chung sogs yi dam chos skyong mang po'i ljags bsnyen dus rtags grangs tshad du thon par ma zad rgyun du'ang nyin mtshan khor yug tu thugs dam gyi rim pa gnyis kyi rnal 'byor zab mos dus 'da' zhing sngags kyi bzlas pa'ang nyin zhag re'i khongs su aShta/ oM gsum ma/ ya ma rA dzA/ shA sa na/ sa phur gyi snying po rnams so sor stong phrag re chag med du mdzad cing / bka' las/ ngas gsang sngags gsar rnying gi sngags phal cher bsnyen tshad bzhin ma bzlas pa ye med/ de rnams kyi nang nas mgon po'i sngags shA sa na 'di nus pa che shos la 'dug ste/ 'di bgrangs pas 'phreng ba la dngos su me 'bar ba yong gin 'dug /ces gsungs/ skabs shig zhal gyi bsnyen pa gnang