[A:474]zhig tu shar zhing snyun ro sogs bgegs kyi rnam pa 'dra ba'ang sangs/ man ngag g.yul las rnam rgyal gyi las sbyor mdzad pas zhag 'ga' nas bsgral bya de pu tras dngos su khrid/ las 'di bzhin bsgrubs yod pas gtang rag tu bskang gso zhig 'phral rtsom gyis bskul ma byung ba ltar bskang gso khyad can de thugs rtsom mdzad/ gzhan yang dur khrod bdag po/ dkar bdud sogs sa skya pa'i zab chos su grags pa'i dbang lung du ma/ gshed dmar lha lnga'i dbang byin rlabs spros med kyi 'khrid/ 'jigs byed rwa lugs/ nag po mtsho skyes Dom bhi ste kye rdor lugs gsum sogs bla med kyi dbang mang ba/ gser chos rnam pa lngar grags pa rtsa ba ne gu chos drug /sdong po phyag rgya chen po/ yal ga lam 'khyer rnam gsum/ me tog mkha' spyod dkar dmar/ 'bras bu 'chi med rang grol rnams dang / de dag dang 'brel bar ne gu'i dbang byin rlabs nyer lnga sogs dang / rgyab chos su yig skor gyi lung tshang la ma nor bar gsan/ su kha siddhi'i dbang dang de dag dang 'brel ba'i yig sna/ sgrub thabs brgya rtsa rgya gzhung dang bcas pa sogs mdor na rje btsun nyid la mnga' ba'i zab chos rnams lhag ma lus pa lta bur gsan pa ming tsam du ma bzhag par tshig don gyi cha la sgro 'dogs bcad/ thugs nyams su gang bstar ba mtha' dag la nyams rtags dang dngos grub ma thob pa med cing gtso bor birWa pa dang nA ro ta pa'i gsang chen slob bshad la brten nas mchog gi dngos grub/ dmar po skor gsum dang mgon po che chung sogs la brten nas