[A:475]mchog thun gyi dngos grub sna tshogs pa 'bad med du rnyed pa'o/ /gsol 'debs las/ slar yang grum stod kha'u'i lam bgrod tshe/ /bstan srung rnams gnyis dzo ka'i zol gyis 'ongs/ /pho nya'i tshul du mkha' la zhabs bskyod de/ /gegs med 'phrin las bsgrub la gsol ba 'debs/ /nam yang 'bral med ltos par bcas pa kun/ /rje btsun bla mas skyong bar zhal bzhes shing / /chos kyi 'phrin las 'khor lo sgyur ba yi/ /rgyal tshab mchog tu bsngags la gsol ba 'debs/ /'chi med bdud rtsi bsgrub pa'i bka' gnang zhing / /dbang bskur dam tshig rdo rje dril bu gtad/ /gzhal med sku gdung yid bzhin dbang po las/ byin rlabs bdud rtsi bzhes la gsol ba 'debs/ /'od gsal dbyings las bzhengs pa'i mdzes sku yi/ /ngo mtshar gsung gi snang bas lung bstan cing / /sngon nas 'brel ba'i mkha' spyod dga' ma des/ /dgyes pa'i 'dzum zhal bstan la gsol ba 'debs/ /zhes pa/ de nas rmu gshong du yab yum mjal ba sogs la phebs/ ring por ma lon par rdo rje 'chang kun spangs chos rje'i drung du phebs rtsis kyis gzhis nas chibs thog tu khyon pa nas bzung kha'ur ma byon par A tsarYa gzi brjid can gnyis kyis gar bsgyur zhing sku'i g.yas g.yon skyor ba'i tshul gsal bar gzigs pa mgon po che chung gnyis sku lus dang grib ma bzhin 'bral med du bsrung skyob mdzad cing 'phrin las bsgrub pa'i mtshan mar gsal/ dgung lo bcu bdun nas zhabs pad bsten pa'i dbang