[A:464]ral pa'i zur phud dor ba'i 'jam dkar lha/ /sngon med 'tshams sprin gsar pa'i phang par 'gying / /skyon mang khung bur thar srog gcod pa'i lce/ /rkyong la yid byung sgo nga'i sbubs rgya nas/ /tshangs spyod sgro gshog rgyas pa'i khyung chen bya/ /gtan mdun mkha' la 'phur bar gcig tu brel/ /mar gad mnyen lcugs 'khri shing mdza' na mo'i/ /bde skyong 'khor lor 'jug las nyer ldog pa/ /gsang chen bstan srog gso ba'i rtsi sman gyi/ /rig byed dran pa'i tshangs pa gsar pa bzhin/ /gsol 'debs las/ yang yang skye bar rjes su bzung ba'i rje/ /khyab bdag 'khor lo'i mgon po rdo rings pas/ /sa 'dzin dbang po mchog gi pho brang du/ /byin rlabs lung bstan mdzad la gsol ba 'debs/ /de nas kha'u brag rdzong rdo rje'i spor/ /'dren pa mchog de'i zhabs rdul gus bsten nas/ /gsang chen rdo rje theg pa'i smin grol lam/ /mtha' dag gsan par mdzad la gsol ba 'debs/ /khyad par mkhas grub dbang po sa skya pa'i/ /gsung gi gsang ba slob bshad zab mo'i bcud/ /ma tshang med pa chig brgyud tshul du gdams/ /gsang chen bstan pa'i bdag por gsol ba 'debs/ /zhing skyong dbang po'i rjes gnang gnang ba'i tshe/ /mkha' dbyings dung chen gling bu'i sgra dbyangs dang / /lhan cig tshig gi rang sgras shis pa brjod/ /bsnyen sgrub mtshan ma gzigs la gsol ba 'debs/ /zhes 'og gdon gyi rnam pas zhabs la dreg gi snyun byung bar sel thabs thams cad mkhyen pa dge 'dun rgya mtshor zhus pa na deng sang chos rje kun spangs pa